Xəbərlər

i Traffic Light Information xidməti hələ 2016-cı ildə Las-Veqasda təqdim olunsa da, sistemin təkmilləşdirilməsi və genişləndirilməsi davam edir. Audi avtomobillərində svetaforlar haqqında informasiyanın olması rahatlığı, təhlükəsizliyi və yollarda effektivliyi artırır. Araşdırmalar təsdiq edir ki, bu texnologiya yanacaq sərfiyyatını azaltmağa kömək edir. Artıq, Avropada da, Almaniyanın İnqolşdadt və Düsseldorf şəhərlərində Audi svetaforların informasiya xidmətini tətbiq edir. Hazırda bu xidmətə qoşulan svetaforların sayı artırılır. Svetaforlar haqqında informasiya yaşıl işıq üzrə sürəti optimallaşdırır və yaşıl işığın yanmasına qalan vaxtı təyin edir. Bu məlumatlar sayəsində sürücülər ehtiyac olmadığı halda sürəti artırmır. Beləliklə, yollarda stress yaşanmır və daha təhlükəsiz hərəkət baş verir. Sistem həm də svetafora 250 m qalmış sürətin tədricən azaldılmasını təklif edə bilər. Yaşıl işıq yandığı zaman Audi hərəkəti davam etdirir və yolda daha qənaətcil rejim əldə olunur. Əgər qırmızı işıqda dayanmaq qaçılmazdırsa yaşıl işığın yanmasına qalan vaxt saniyələrlə geri sayım formasında əks olunur. Bu halda sürücü ayağını qaz pedalından çəkə və yanacağa qənaət edə bilər. Audi və onun layihədəki tərəfdaşı Traffic Technology Services (TTS) müxtəlif mənbələrdən informasiya alaraq dəqiq proqnozlar hesablayan mürəkkəb analitik alqoritim hazırlayıblar. Alqoritm hətta günün müxtəlif saatlarında traffiki, ictimai nəqliyyatın hərəkət qrafikini, uşaqların məktəb və bağçalardan çıxış vaxtlarını nəzərə alır. Araşdırmalar göstərir ki, şəhərdəki svetafor şəbəkələrinin informasiyası sayəsində sürücülər daha effektiv hərəkət edirlər. Pilot layihə yanacaq sərfiyyatını 15% azaltmağa imkan verib.